Et wor en richtig lange Session. Un se wor esu richtig schön.

En lange Session entzerrt zwar op de eine Sigg, ävver op der andere Sigg heißt dat och, mieh Wochenende hingereinander.

Mieh Wochenende, an dene en janze Hääd vun janz dolle Minsche em Einsatz wore. Ohne ihr Famillich.

Un mir durfte met janz vill vun solche Minsche zesamme arbeide un et wor uns en Riesen-Fess.

Un so jeiht unser eetztes DANKE an all uns Künstlerinnen und Künstler, die immer joot jelaunt un met vollem Einsatz ihre Optredde zo jet Besunderem jemaat han.

Mir kunnte uns op all vun Üch zu jeder Zick verlosse. Mir wesse dat total ze schätze.

Met dobei och ein Optredd von Quersallou. Vielleicht hat ihr dat Video op unserer facebook-Sigg jesinn.

Mir sin noch immer stulz, dat einer vun dene sechs Quersallou-Optredde bei einer vun unsere Veranstaltunge wor: Bei der Siegburger Funke Blau-Weiß un Viva la Wiever.

Jroßartig.

Ävver natürlich heißt et och Danke an all unsere Kunde, die uns immer widder un immer mieh et Vertraue schenke un met denne dat Arbeide eijentlich immer en Teamarbeid es. Un dat es e Jeschenk für uns, dat mir nit als selvsverständlich ahnsinn. 

Un mir hann en janz jroße Respekt och vüür dem, wat ihr da so leistet Johr für Johr.

Et määht einfach Spass.

Un jeedes einzelne Wood jilt jenauso für die Literaten und Agenturen. Immer dat Jeföhl, mir sinn en Team. Alle zesamme för dä jemeinsame Erfolg – e wunderbar Jeföhl.

Unbedingk unser Danke ahn Susanne Löhr, Peter Lautenschläger un Marcus Maubach, die immer parat stunde, wenn mir mieh Veranstaltunge gleichzeitig hatte, als mer Lück sin.

Met Nome nenne wulle mer och widder Dich, leeve Jung, Thomas Mersch von sem4u.

Och in dä lange Session stund hä uns beinah ständig zur Verfüjung, wo auch immer hä selvs wor un wo hä injebunde wor. Immer, um unsere mediale und digitale Präsenz »om Laufenden« zo halde.

Un immer widder dä Wahnsinn: all die Helferinne und Helfer, die miestens hinger dä Kulisse alles jevve, dat et op un vüür dä Bühn so klasse läuf.

Türsteher, Junge un Mädscher, die die Kaate avrieße, die Minsche ahn dä Garderoben, die hinger dä Theken un die dofür sorje, dat et jet zo esse un natürlich zo drinke jitt. 

Danke an dat Servicepersonal aan dä stille und manchmol nit esu stille Örtchen, die Lück aan Licht- und Tontechnik, de Parkplatz-Anweiser drussen en dr Käld, die Op- und Avbauer dä Bühnen, Dekoratione, Zelte un so wigger…