Et wor en merkwöödich Session. Ald widder. Et wor en iwijes Hin und Her. Alles hät sing Zick. Dat wesse mir jetzt mieh denn je.

Un doch wor et ahm Engk och e betzje schön. Op jeden Fall esu, dat mir vun Hätze Danke sage für en Hääd vull Lück.

Denn mir durfte met janz vill Minsche zesamme arbeide, vun dänne mir jetzt wesse, dat sie et Hätz om räächte Fleck han. Un dat es en Fess un e Jeschenk.

Un so jeiht unser eetztes DANKE an all uns Künstlerinnen und Künstler, die durchjehaale han. All die Zick. Die schwere Zick. Un die tirek jesprunge sinn, als et op einmol doch he un do jing.

Un die met ihrem Einsatz, ihrem Optredde in ner schwierijen Zick jet Freud jemaat han.

Mir kunnte uns op all vun Üch zu jeder Zick verlosse. Mir wesse dat total ze schätze und mir wulle sage, alles in allem sin mir noch nöher zesammejeröck.

Jroßartig.

Ävver natürlich heißt et och Danke an all unsere Kunde, die uns immer widder un immer mieh et Vertraue schenke un met denne dat Arbeide eijentlich immer en Teamarbeid es. Un dat es e Jeschenk für uns, dat mir nit als selvsverständlich ahnsinn. Eetz recht nit, wenn en Session esu is, wie die letzte wor.

Un jeedes einzelne Wood jilt jenauso für die Literaten und Agenturen. Immer dat Jeföhl, mir sinn en Team. Alle zesamme för unsere Fastelovend – e wunderbar Jeföhl.

Danke besunders ahn alaaaf, Swist Event, Agentur Ahrens, Lust und Laune und och ahn Dr. Joachim Wüst für die joode Zesammearbeid und Hilfe beim ständijen „freiwillg Absage“ …

Ahm Engk ävver sin mer och stolz, dat Kölle sich am Ruusemondag esu jezeicht hät, wie et sich jezeicht hät.

Make FasteLOVEnd – Not War.